Республикалық «Адалдық алаңы» жобалық кеңсесінің жетекшісі Төлеген Зейнешұлы Байғұлов мезгілсіз өмірден өтті

Бүгін ҚР Сыбайлас жемқорлыққа қарсы іс-қимыл агенттігінің жанындағы «Адалдық алаңы» республикалық жобалық кеңсесінің жетекшісі Төлеген Зейнешұлы Байғұлов мезгілсіз өмірден өтті.
Т. Байғұлов Сыбайлас жемқорлыққа қарсы бірінші медиаорталықтың төрағасы және «Адалдық алаңы» жобалық кеңсесінің жетекшісі ретінде сыбайлас жемқорлыққа қарсы саясатты іске асыру, мемлекеттік органдардың ашықтығын қамтамасыз ету және қоғамдық бақылауды күшейту бойынша іргелі жұмыстар атқарды.
Азаматтық ұстанымы жоғары қоғам белсендісі ретінде қоғамдық-саяси жұмыстарға белсене қатысып, елдің игілігіне қызмет етті.
Сыбайлас жемқорлыққа қарсы түрлі жобаларды іске қосып, «Адалдық алаңының» жалпыұлттық қозғалысқа айналуына үлес қосты.
Ол пандемия кезіндегі қауіп-қатерге қарамастан, тосқауыл бекеттерге, ауруханалар мен дәрі-дәрмек қоймаларына мониторинг жасап, қиын кезеңде халықпен бірге болды.
Оның жедел желі ретінде пайдаланған жеке нөміріне 4 500-ден аса азамат хабарласып, заң бұзушылықтар туралы хабарлаған.
ҚР Сыбайлас жемқорлыққа қарсы іс-қимыл агенттігі Төлеген Зейнешұлының мезгілсіз өмірден өтуіне орай, қайғырып көңіл айтады.
Марқұмның жаны жәннатта, иманы саламат болсын.
Оның жарқын бейнесі мәңгі есімізде сақталады.

0 replies

Leave a Reply

Want to join the discussion?
Feel free to contribute!

Пікір үстеу

Э-пошта мекенжайыңыз жарияланбайды. Міндетті өрістер * таңбаланған