Таза литрлер: Qazaq Oil отын сапасы мен құю дәлдігін қалай бақылайды

Qazaq Oil компаниясы үшін отын сапасы жай ғана ресми талап емес, бұл клиенттер алдындағы күнделікті жауапкершілік. Компания жүргізушілердің сенімі біреулердің сөздерімен емес, процестердің ашықтығы арқылы қалыптасатынын түсінеді

Дәл осы себепті мұнда отынның әрбір қозғалыс кезеңін қамтитын көп деңгейлі бақылау жүйесі құрылды – мұнай базасына жеткізуден бастап, жанармай құю станцияларында клиенттерге құйып беруге дейін.

«Біз клиенттердің таза литр мен тұрақты сапаны күту құқығы барын түсінеміз. Біздің үшін бақылау – бұл бір реттік шара емес, күнделікті жұмысымыздың бөлігі. Біз үшін жүйенің шынымен жұмыс істейтінін және жүргізушілердің мүддесіне қызмет ететінін білуіміз маңызды», – дейді Qazaq Oil PR қызметінің жетекшісі Анель ЕЛІКБАЕВА.

Отынды зертханалық бақылау

Qazaq Oil отынды мұқият бақылайды. Мұнай базалары мен жанармай құю станцияларында тұрақты түрде сынама алынады, олар Алматы, Астана және Атыраудағы өз зертханаларында зерттеледі.

Анализдер негізгі физика-химиялық параметрлер бойынша жүргізіледі: тығыздық, октан саны, бензиннің фракциялық құрамы, жарылыс температурасы, дизель отынының тұтқырлығы және т.б. Зертханалар еуропалық, америкалық және ресейлік өндірушілердің заманауи жабдықтарымен жабдықталған, бұл объективті және дәл нәтижелерге жеткізеді.

«Біз жоспарлы да, жоспардан тыс тексерулерді де жүргіземіз, егер клиенттен өтініш немесе АЗС қызметкерлерінен сигнал түскен жағдайда. Арбитраждық сынамалар таңдалған күннен бастап 45 күн сақталады және клиенттің қатысуымен қайта зерттелуі мүмкін», – дейді Qazaq Oil компаниясының мұнай өнімдерінің сапасын бақылау бөлімі жетекшісі Мадина ТУТЕЕВА.

Құрылғыны тексеру: аз құюды болдырмау

Зертханалық бақылаумен қатар, Qazaq Oil жабдықтардың техникалық жағдайына да көп көңіл бөледі. Жылына екі рет барлық жанармай құю станцияларында отын құю колонкаларының міндетті тексерісі жүргізіледі, бұл метрологиялық бақылау талаптарына сәйкес келеді.

Тексеру кезінде мамандар отынның құю дәлдігін тексереді, осылайша жеткіліксіз құю немесе техникалық ақауларды болдырмайды. Бұл жұмыстар аккредиттелген ұйымдар тарапынан жүргізіледі, ал нәтижелері құжат түрінде тіркеледі. Егер сәйкессіздіктер анықталса, жабдық ақаулар жойылғанша пайдаланудан шығарылады.

«Колонкаларды тексеру – жүрдім-бардым рәсім емес. Біз зауыттық баптауларға сеніп отыра алмаймыз. Кез-келген жабдық уақыт өте келе тексеруді және калибрлеуді қажет етеді, әсіресе жоғары жүктемелер мен маусымдық температура ауытқулары кезінде», – деп түсіндіреді Мадина Тутеева.

Ашықтық пен кері байланыс

Qazaq Oil ашық өзара іс-қимыл принципін ұстанады және тек ішкі тексерулермен шектелмейді. Отынның сапасы мен құю дәлдігіне күмәнданған әрбір жүргізуші АЗС-те бақылаудың қалай ұйымдастырылғанын өз көзімен көре алады.

Компания отын сынамасын алу кезінде оған клиенттердің қатысуы мүмкіндігін ұсынады – бұл процедура бекітілген стандарттарға сәйкес жүргізіледі, сынамаларды тіркеу және пломбалау арқылы. Клиенттер процессті бақылап, кейін сынақтардың нәтижелерімен таныса алады.

Отын құюға қатысты мәселелер бойынша өтініш жасаған жағдайда жанармай құю станциялары қызметкерлері колонканың нақты құйған көлемін көрсететін тексеру үшін клиенттің көзінше өлшеу ыдысына техникалық құю жасап бере алады. Бұл процедура жабдықтың дұрыс жұмыс істейтінін немесе белгіленген нормаларға сәйкес келетінін тексеруге көмектеседі.

«Біз клиенттердің көкейінде ешқандай сұрақ қалмауын қамтамасыз етуге тырысамыз», – деп қосады Мадина Тутеева. «Қажет болған жағдайда біз сынама алу мен техникалық құю жүргіземіз, нәтижелерді тіркеп, ресми қорытынды ұсынамыз».

Бұл тәсіл Qazaq Oil компаниясының бақылау жүйесін формальды рәсім емес, сапа мен сенімді қамтамасыз етудің нақты құралына айналдырады. Бұл жүйе отынның стандарттарға сәйкестігін ғана емес, жабдықтың дұрыс жұмыс істейтінін жедел тексеруге мүмкіндік береді – бұл әрбір клиенттің мүддесіне сай.

Фото: Эльдар Мақсат.

АЛЫП-ҚОСАРЫҢЫЗ БОЛСА, ТАЛҚЫЛАЙТЫН TELEGRAM КАНАЛЫМЫЗ БАР!