Qazaq Oil мен Vlife серіктестігі: нарықтың жаңа формуласы

Qazaq Oil мен Vlife одақтасып, ритейл мен жанармай саласындағы цифрлық сервистер нарығын жаңа белеске көтерді

Қазақстандағы жанармай нарығы осы уақытқа дейін сонша қатты дамымай келді: бар бәсекелестік литр, октан саны, жанармай бекеттерінің орналасқан жері сияқты нәрселердің төңірегінде ғана болатын. Бірақ соңғы жылдары алдыңғы қатарға басқа талаптар шықты. Қазіргі жүргізушілер сапалы бензинмен қатар жайлылықты, уақыт үнемдеуді, артық қимылдардан арылтатын цифрлық шешімдерді күтеді.

Сол себепті Qazaq Oil мен Vlife серіктестігі ерекше әдіске барды. Оның негізінде – жанармай бекеттерін мықты инфрақұрылымы мен шамамен 1,8 миллион тұтынушыны қамтитын мультисеріктестік бағдарламасын біріктіру жатыр. Бұл – елдегі ең ірі цифрлық трафиктердің бірі. Мәселе акциялардың көптігінде немесе бонус көлемінде емес – адамдар болжамды әрі ыңғайлы әрекеттер сценарийін бағалай бастады.

«Біз клиенттердің жай өнімді ғана емес, экожүйені таңдағанын көріп отырмыз. Ыңғайлылық пен тиімділігі түсінікті жерде тұрақты трафик қалыптасып, брендке деген сенім артады», – дейді Vlife басқарушы директоры Павел КРАВЧЕНКО.

Іс жүзінде жүргізушілер Qazaq Oil станцияларында жанармай құюмен қатар көптеген сервистер жиынтығын алады: Q-Cafe-ден кофе, Keruen Inn қонақүйі, Dala-market дүкендерінде сауда жасау – бұлардың бәріне бонус есептеледі. Мұның бәрі бірыңғай тиімділік жүйесіне айналады.

Qazaq Oil-дың цифрландыру бағыты – маркетингтік қадам емес, бизнес-процестердің терең қайта құрылуы. Ал Vlife-пен серіктестік осы трансформацияның маңызды кезеңі болды. Платформа өзінің IT-хабын дамытып, процестердің ашықтығын және операциялық қызметтің басқарылуын арттыратын шешімдер ұсынады. Service Desk қызметкерлердің ішкі сұраныстарын бір терезеде біріктіріп, коммуникацияның бытыраңқылығын жояды. Q-Sight жүйесі басшыларға нысандардың жағдайын, тәртіп деңгейін және әрбір нүктенің дайындығын нақты уақытта бақылауға мүмкіндік береді. Ал Otvet.kz сервисі клиенттермен кері байланысты жүйелі және тиімді етеді, пікірлерге жедел жауап беруге және сервистің сапасын жақсартуға көмектеседі.

«Біз үшін серіктестер клиенттердің адалдығын ғана емес, бизнес жүргізуді шынымен жеңілдететін технологияларды алуы да маңызды», – деп атап өтті Кравченко.

Анығында, Qazaq Oil мен Vlife ритейл-бекеттер моделінен цифрлық оператор моделіне өтуді көрсетіп отыр. Бұл – жаңа экожүйелік тәсіл, ол брендтерді клиентке жақындатады, тиімділікті арттырады, сервистің сапасын нығайтады және бәсекелестікті арттырады. Осылайша Qazaq Oil мен Vlife нарық үшін алдағы жылдары айқындаушы бағыт болатын жолды көрсетіп отыр.

Фото: Qazaq Oil.

АЛЫП-ҚОСАРЫҢЫЗ БОЛСА, ТАЛҚЫЛАЙТЫН TELEGRAM КАНАЛЫМЫЗ БАР!