Q-Café желісі кеңеюде: Астанада тағы біреуі ашылды

Елордада кофе мен кездесулерге тағы бір жайлы мекен есігін ашты

Қазақстан астанасында Q-Café желісінің жаңа нүктесі ашылды – бұл бренд соңғы жылдары елдің гастрономиялық мәдениетінің ажырамас бөлігіне айналған. Ашылу салтанаты үлкен қызығушылық тудырды: мұнда хош иісті кофені жақсы көретіндер ғана емес, «Астана» футбол клубының жанкүйерлері де келді, себебі дәл осы жерде команда жанкүйерлерімен кездесу өткізді.

Q-Café – жай ғана кофехана емес. Бұл Qazaq Oil компаниясы негізін қалаған желі, ол бастапқыда жанармай құю бекеттеріндегі шағын кофе аймақтарынан басталып, бүгінде ұлттық деңгейдегі табысты бизнес-кейс ретінде қалыптасты.

Бүгінгі Q-Café – көп түрлі сусындар, десерттер мен жеңіл тағамдар ұсынатын дербес бренд. Жайлы атмосферасы, заманауи дизайны және әрдайым жоғары сапалы өнімдерінің арқасында бұл желі қала тұрғындары мен қонақтарының сүйікті орнына айналды.

Q-Café тарихы Qazaq Oil жанармай құю бекеттеріндегі шағын кофе-корнерлерден басталды. Бұрын ол жүргізушілерге арналған сервис еді: жанармайын құйып, сергу үшін кофе ішетін. Алайда сұраныс жоғары болып, бұл формат кеңейіп, жеке кофехана болып ашыла бастады. Бренд жанармай құю бекеттерінен шығып, қаланың ішінен өз орнын тапты. Қазір бұл тек «жанармай құю бекетіндегі кофе» ғана емес, қазіргі заманғы мейрамханалық бизнестің заңдылықтарымен дамып келе жатқан толыққанды гастрономиялық бренд.

Сонымен қатар, компания тек өз мекемелерін дамытумен шектелмей, франчайзингке де баса назар аударып отыр. Q-Café франшизасы – кәсіпкерлер үшін өз ісін мықты бренд пен сенімді бизнес-модельдің қолдауымен бастауға нақты мүмкіндік. Айта кетейік, қазақстандықтар Q-Café желісінде 4 миллионнан астам шыны кофе ішіп, 2 миллион хот-дог жеген.

Дегенмен, Q-Café – тек кофе мен бизнес қана емес. Бұл – атмосфера мен адамдар. Елордадағы Орталық саябақта ашылған жаңа орын «Астана» футбол клубының жанкүйерлерімен кездесу алаңына айналды. Қазір ел чемпионатында көш бастап келе жатқан спортшылар тығыз кестелерінен уақыт тауып, жанкүйерлерімен бірге бір күн өткізді.

Қонақтар сүйікті ойыншыларымен жеке тілдесіп, естелік сыйлықтар, футболкалар мен қолтаңбалары бар доптар алды, ең бастысы – жылы кездесуді еске салатын фотосуреттер жасады.

Осылайша, жаңа кофехананың ашылуы бірнеше маңызды мәнге ие болды: қалалық гастрономиялық мәдениетті дамыту, франчайзинг арқылы кәсіпкерлікті қолдау және адамдар арасындағы қарым-қатынас пен есте қаларлық оқиғалар орнын құру.

Дәмді кофе ішетін орын ғана емес, әсер алатын мекен екенін Q-Café тағы да дәлелдеді. Мұнда достарыңмен кездесуге, жұмыстан кейін демалуға, іскерлік кездесу өткізуге немесе ерекше шараға қатысуға болады. Дәл осы себепті бренд белсенді дамып келеді, ал әрбір жаңа кофехананың ашылуы қала өміріндегі маңызды оқиғаға айналуда.

Фото: Q-Café ұсынды.

ДЕЛИТЕСЬ СВОИМ МНЕНИЕМ И ОБСУЖДАЙТЕ СТАТЬЮ НА НАШЕМ КАНАЛЕ В TELEGRAM!