Оралда мас күйде көлік айдаған полиция майоры ұсталып қалды

Ол енді қызметінен қуылды

Орал қаласы полиция басқармасының қызметкері, полиция майоры қызметімен қош айтысты, деп хабарлайды ҚазАқпарат.

Аталған қызметкердің мас күйінде автокөлік руліне отырғаны БҚО полиция департаменті жүргізген рейдтік іс-шаралар барысында анықталған.

БҚО полиция департаментінің баспасөз қызметінен мәлім еткеніндей, қызметкер теріс себептер бойынша лауазымынан босатылды.

— Батыс Қазақстан облысының полиция департаменті бұл орайда қатаң қағиданы ұстанады. Полицияда тәртіп пен заңды бұзуға жол берілмейді. Мұндай әрекеттерге барғандар қатаң және сөзсіз жазаланады, — деп хабарлады ведомстводан.

Фото: mgorod.kz.

АЛЫП-ҚОСАРЫҢЫЗ БОЛСА, ТАЛҚЫЛАЙТЫН TELEGRAM КАНАЛЫМЫЗ БАР!