Жамбыл облысында біреу «Сергек» камерасына оқ атты

Оған 196 мың теңге көлемінде айыппұл тағайындалды

Жамбыл облысында ер адам «Сергек» камерасына оқ атқаны үшін жауапкершілікке тартылды, деп хабарлайды Massaget.kz тілшісі.

Сот мәліметінше, 2025 жылы желтоқсанда М. есімді тұрғын Сарыкемер – Түймекент – Ақшолақ тасжолында пневматикалық мылтықтан оқ атып, «Сергек» камерасына қасақана зақым келтірген.

Осылайша бір ЖШС-ке материалдық шығын келген.

Сотта ер адам кінәсін толық мойындап, келтірілген залал ішінара өтелгенін жеткізген. Ал жәбірленуші тарап залал толық көлемде өтелмегенін мәлімдеген.

Сот қаулысымен М. ӘҚБтК-нің 147-1-бабы 1-бөлігі бойынша кінәлі деп танылып, оған 196 мың теңге көлемінде айыппұл тағайындалды.

Қаулы заңды күшіне енді.

Фото: видеодан кадр / tv24kz.

АЛЫП-ҚОСАРЫҢЫЗ БОЛСА, ТАЛҚЫЛАЙТЫН TELEGRAM КАНАЛЫМЫЗ БАР!