“Дикий” Арманның анасы дүниеден озды

Роза Жұмагелдиеваның ұлымен кездесе алмағанын айтты

Қостанай облысындағы қатаң режимдегі мекемеде жазасын өтеуші Арман ЖҰМАГЕЛДИЕВТІҢ анасы Роза Жұмагелдиева қайтыс болды. Бұл туралы ақпаратты алғаш рет әлеуметтік желіде Арманның жақын досы Нұржан ИМАНАЛИЕВ жариялады, деп жазады 1bol.kz.

“Бүгін жүрегімізді ауыртқан қаралы хабар жетті…Ардақты досымыз Арманның асыл анасы, қадірлі Роза апай өмірден озды. Роза апайымыз иманды, парасатты, сабырлы, текті, ақылгөй жан еді. Тағдырдың ауыр сынақтарын бастан өткерді… Жалғыз ұлына ұзақ жыл жаза беріліп, баласының басына бұлт үйірілген қиын кезеңдер болды. Бірақ ана жүрегі соның бәріне төзіп, баласынан ешқашан теріс айналған жоқ”, — деп жазды Иманалиев.

• Арман Жұмагелдиев 2022 жылғы қаңтар оқиғасына қатысты жаппай тәртіпсіздік ұйымдастырушы ретінде айыпталып, 20 жылға бас бостандығынан айырылды. Оның қылмыстық топтар мен түрлі оқиғаларға қатысы бар деп жиі айтылады.
• “Дикий Арман” лақап атымен танылған ол кезінде боксшы болған. Қазақстанның жастар құрамасында өнер көрсеткен.

Фото: әлеуметтік желіден.