Қазақстан биыл Жеңіс күніне парад өткізбейді

Оның орнына бірқатар әскери-патриоттық іс-шаралар ұйымдастырылады

Қорғаныс министрлігі Отан қорғаушылар күні мен Жеңіс күніне орай биыл әскери парад өткізілмейтінін мәлімдеді, деп хабарлайды Sn.kz.

Ведомствоның хабарлауынша, оның орнына бірқатар әскери-патриоттық іс-шаралар ұйымдастырылады. Атап айтқанда:

• ерлік сабақтары; 
• үздік әскери қызметкерлерді марапаттау; 
• ардагерлерге құрмет көрсету; 
• экологиялық акциялар; 
• әскери оркестрлердің шеруі; 
• шығармашылық ұжымдардың концерттері; 
• әскери техника мен қару-жарақ көрмесі; 
• «Солдат ботқасы» акциясы; 
• ашық есік күндері.

Осылайша, мерекелік күндер дәстүрлі парадсыз, бірақ мазмұнды іс-шаралар арқылы атап өтіледі.

Қазақстанда 7 мамыр күні 2012 жылдан бері мемлекеттік мереке – Отан қорғаушылар күні саналады.

2025 жылы Астананың орталық алаңында «Ұлы Отан соғысындағы Жеңістің 80 жылдығы» дейтін дүркіреген парад өтті.

Оған дейін әскери парад 2018 жылы өткен.

Фото: Қорғаныс министрлігі.

АЛЫП-ҚОСАРЫҢЫЗ БОЛСА, ТАЛҚЫЛАЙТЫН TELEGRAM КАНАЛЫМЫЗ БАР!