Атышулы Амантай ата сотталуы мүмкін

Алматыда Амантай қажының үстінен қылмыстық іс қозғалды. Ол екі жылға дейін сотталуы мүмкін. Бұл туралы ПД хабарлап отыр.

Дене жарақатының ауырлық дәрежесін анықтау мақсатында сот-медициналық сараптама тағайындалды. Қылмыстық іс аясында кешенді тергеу амалдары жүргізілгеннен кейін процестік шешім қабылданатын болады, – делінген хабарламада.

Сол жағдай бойынша Алмалы ауданы полиция басқармасы қылмыстық кодекстің 107-бабы (денсаулыққа қасақана ауырлығы орташа зиян келтiру) бойынша қылмыстық іс жүргізіп жатыр. Бұған дейін әлеуметтік желіде Амантай қажы Асылбековтің әйелді баспалдақтан итеріп жіберген видеосы тарады. Айта кетейік, күдіктінің кінәсі дәлелденсе, оған 1000 АЕК-ке дейін айыппұл салады не 2 жылға дейінгі мерзімге бас бостандығын айырады.

Дереккөз.

Фото: okg.kz.