Атырауда 10 млн теңге бопсалаған журналист ұсталды

Ол өзі 36 жастағы журналист екен

Ол қаладағы қонақүйлердің бірінде қолға түсті, деп хабарлайды, ҚазАқпарат.

— Атырауда полиция қызметкерлері жеке кәсіпорын басшысынан компания қызметіне қатысты бейнематериалды таратпау үшін 10 миллион теңге талап етті деген күдікпен 36 жастағы журналисті ұстады. Ақшаның бір бөлігі – 4 миллион теңге – делдал арқылы берілген, — делінген Атырау облыстық Полиция департаментінің хабарламасында.

Ведомство мәліметінше, аталған дерек бойынша Қазақстан Республикасының Қылмыстық кодексінің 194-бабы 2-бөлігі бойынша сотқа дейінгі тергеп-тексеру жүргізіліп жатыр.

Басқа адамдардың қылмысқа қатыстылығы тексеріледі.

Фото: Солтан Жексенбеков / Kazinform.

АЛЫП-ҚОСАРЫҢЫЗ БОЛСА, ТАЛҚЫЛАЙТЫН TELEGRAM КАНАЛЫМЫЗ БАР!