Ақтөбелік тұрғын бір Ақтөбелік тұрғын бір отбасы мүшелері үшін зираттан орын алып қалмақ болды

Қазіргі кезде Ақтөбе қаласындағы зираттардың көбі толып, жабылып жатыр

Мұны сенімгерлік басқару компаниясы директорының орынбасары аралау кезінде байқап қалған. Кейін бейіт құрылысын тоқтатуды талап етті, деп хабарлайды Kazinform.

Оқиға Ақтөбе қаласындағы зираттардың бірінде болды. Ұлынан айырылған отбасы сол аумақты белгілеп, ата-анасы мен келініне деп орын дайындайды. Ол үшін іргетасын да құйып бастаған. Аумаққа жауапты «Financial World» ЖШС-і директорының орынбасары Ануар КУЖАНОВ бақылау, аралау кезінде анықтап, бірден талапты түсіндірді.

— Біздің компания 2022 жылы 45 зиратты сенімгерлік басқаруға алды. Күн сайын аумақты қарап, бақылап жүреміз, күтімін жасаймыз, қоқыстан тазартамыз. Жаз айында мұнда тұрмыстық қалдық тастап кететін адамдар көп. Түсіндіру жұмыстарын жүргізіп, алдын аламыз. Бұл жолы да солай болды. Мен үлкен аумақта жұмыс істеп жатқан адамдарды көріп, көлікті тоқтаттым. Мұнда бір отбасының баласы жерленген. Әрі қарай оның ата-анасына, тіпті келініне де орын алып қалғысы келіп тұр. Бұл дұрыс емес. Бізде ерлі-зайыптының бірі көз жұмса, екінші орынды қалдырады. Бұл қалыпты жағдай. Бірақ бір әулетке орын алып қалуға болмайды. Жер жеткілікті, ол үшін уайымға салынбаған жөн, — деді Ануар Кужанов.

Айта кетейік, елімізде әр адамға зираттан 6 шаршы метр жер тегін беріледі. Екінші адамға орын алуға рұқсат бар. Қазіргі кезде Ақтөбе қаласындағы зираттардың көбі толып, жабылып жатыр. Сондықтан қала әкімдігі тағы 65 гектар жер бөлінді. Сенімгерлік басқару компаниясы бұл жерге инфрақұрылым жүргізіледі.

Фото: Мейрамбек Рсымов.

АЛЫП-ҚОСАРЫҢЫЗ БОЛСА, ТАЛҚЫЛАЙТЫН TELEGRAM КАНАЛЫМЫЗ БАР!