Қазақстанға Ресейдің премьер-министрі келе жатыр

Үкіметаралық келіссөздер барысында түрлі салалардағы бірлескен жобаларды одан әрі дамытуға ерекше назар аударылады

Ресейдің премьер-министрі Михаил МИШУСТИН 25-27 наурыз күндері Қазақстанға жұмыс сапарымен келеді, деп хабарлайды Ресей үкіметі.

«Астанада өтетін ресейлік-қазақстандық үкіметаралық келіссөздер барысында энергетика, өнеркәсіп, ауыл шаруашылығы, көлік инфрақұрылымы және басқа да салалардағы бірлескен жобаларды одан әрі дамытуға ерекше назар аударылады», – делінген хабарламада.

Михаил Мишустин 26-27 наурыз күндері Шымкентте өтетін Еуразиялық үкіметаралық кеңестің отырысына да қатысады. Сондай-ақ ол Шымкентте өтетін Digital Qazaqstan-2026 цифрлық форумында сөз сөйлейді.

Фото: Wikipedia.org.

АЛЫП-ҚОСАРЫҢЫЗ БОЛСА, ТАЛҚЫЛАЙТЫН TELEGRAM КАНАЛЫМЫЗ БАР!