ТМД әлі тірі екен…

Оның Бас хатшысы үш жылдық мерзімге қайта сайланыпты

ТМД Бас хатшысы Сергей ЛЕБЕДЕВ ТМД мемлекет басшыларының шешімімен бұл қызметке тағы үш жылдық мерзімге тағайындалды, деп хабарлайды Kazinform.

— Мемлекет басшылары кеңесінің шешімімен тағы үш жылдық мерзімге Достастықтың бас хатшысы болып тағайындалдым, — деді Сергей Лебедев Душанбеде өткен ТМД Мемлекет басшылары кеңесінің отырысында.

Ол мемлекет басшыларына жоғары сенімі үшін алғыс айтып, ТМД елдері мен халықтары арасындағы достық және тату көршілік қарым-қатынастарды сақтау және нығайту жөніндегі жұмысты жалғастыруға уәде берді.

Бұған дейін Қазақстан президенті Қасым-Жомарт ТОҚАЕВ Душанбеде өткен ТМД Мемлекет басшылары кеңесінің отырысында ТМД-ның әлемдік аренадағы беделін нығайтудың маңыздылығын атап өтіпті.

Фото: ТАСС.